Desisyon sang NUP sa mabulos kay the late Councilor Armand Parcon, pinal na suno kay Mayor-elect Cong. Jerry Treñas

Iloilo City — Pinal na nga ginpili sang national unity party ukon NUP ang bata ni the late Councilor Armand Parcon nga si Atty. Frances Grace Parcon nga amu ang mabulos sa iya amay.

Sa subong, wala pa nakahimo sang rekomendasyon ang partido pero gin-athag ni Mayor-elect, Congressman Jerry Treñas nga himuon nila ini kon malubong na ang napatay nga konsehal kag makapungko ang mga bag-o nga mga opisyal sang syudad.

Suno sa kongresista, kuwalipikado si Atty. Parcon sa posisyon bangud nagatrabaho siya sa Public Attorney’s Office.  

Ginpahayag ni Treñas nga ginkumbinser nila si Atty. Parcon sa pagpati nga nagakadapat siya sa posisyon kag ginboto sang mga pumuluyo ang iya amay. (AGB)