Iloilo City — Gin-aprobahan sang Sangguniang Panlalawigan ang resolution nga nagadeklarar sa probinsya sa state of calamity bangud sang El Niño nga nagtuga sang halit sa mga pananum kag kasapatan.

Suno kay Majority Leader Board Member Domingo Oso, magamit na ang P31 million nga pondo sang provincial government para sa mitigating measure ukon kinahanglanon sang mga mangunguma kasubong sang paghatag sang liquid fertilizer, binhi kag jetmatic pumps.

Ginbasehan sa pagdeklarar sang state of calamity suno kay Oso ang damage report sang mga Municipal Disaster Risk Reduction and Management Officers nga ginsumiter sa PDRRMO.

Ang resolution gin-sponsor ni BM Marcelo Valentine Serag, chairman sang Committee on Disaster and Risk Reduction Management sa Sangguniang Panlalawigan. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply