San Jose, Antique — Patay ang senior citizen samtang kapin 30 ang pilason matapos nahulog ang ginasakyan nila nga jeep sa ginakay-o nga drainage canal sa Barangay Supa subong nga hapon.

Suno kay Police Master Sergeant Louel Biliran sang San Jose Police Station, gindala pa sa Angel Salazar Memorial General Hospital ang 65-anyos nga si Editha Aquino sang Valderrama, Antique apang napatay.

Gindala sa amo man nga ospital ang iban pa nga mga pasahero lakip ang driver nga si Isidro Lizardo sang Bugasong, Antique.

Sa inisyal nga imbestigasyon sang pulis, natumbahan sang kahoy sang tipulo ang jeep rason nagderetso sa gina-obra nga drainage canal.

Mabaskog ang ulan sa lugar sang natabu ang aksidente.

Halin sa San Jose ang jeep kag pakadto sa Valderrama sang nagluntad ang insidente.

Naka-hospital arrest ang driver sang jeep. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply