Ajuy, Iloilo — (UPDATE) Gin-custody sang Ajuy Police si Napoleon Besa, tiyo sang suspek sa paghimulos kag pagpatay sa 7-anyos nga bata nga babaye nga ginsulod sa saku kag ginhaboy sa basurahan sa Victorias City, Negros Occidental.

Suno kay Police Major John Van Herson Luspo, hepe sang Ajuy Police Station, ilakip sa kasuhan si Napoleon bangud wala siya nagpanugid sa mga pulis nga nagatenir sa iya ang suspek nga si Mark Besa, 39-anyos.

Si Mark ang gintudlo nga nagpatay sa bata matapos niya ginhimuslan. Ginsulod niya sa saku ang bata kag ginhaboy sa basurahan.

Matapos ang krimen, nagsakay siya sa motorbanca kag nagpalagyo sa Iloilo.

Nadakpan siya sa Barangay Pili, Ajuy, pasado las kuwatro kahapon sang hapon, June 3, kag ginbalik sa Victorias City pagkagab-i.

Base sa resulta sang autopsy sa bangkay, may nakit an nga banog sa natu-o nga guya kag wala nga butkon sang bata, ginlubag ang liog kag may pilas sa iya kinatawo.

“Severe head injury secondary to head trauma kag secondary to mauling” ang gintunaan sang kamatayon sang bata.

Suno kay Luspo, kahapon, Hunyo 3, matapos ang panihaga, nag-coordinate kay Luspo ang Victorias City Police Station nga naga-conduct sila sang operation batuk sa suspek.

Si Mark ang drug surrenderer.

Suno naman kay Police Lt Colonel Eduardo Corpus, hepe sang Victorias City Police Station, may mga testigo nga nagatudlo sa suspek bangud siya ang ulihi nga nakaupod sang bata.

Yara sa watchlist sang Victorias City Police Station suno sa iya ang suspek.

Suno kay Corpus, wala nag-ako ang suspek sa krimen pero ang iya pagpalagyo, indikasyon nga siya ang responsable sa pagpatay sa bata. (AGB/MO)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply