Iloilo City — Wala nakahibalo si Janiuay Mayor-elect Frankie Locsin nga may warrant of arrest batuk sa iya sang nagpadulong siya sa NBI 6 agud magkuha sang clearance sang Hunyo 3.

Suno kay NBI 6 Executive Officer Atty. Ramilo Quinto, gin-isyu sang Mayo 22 subong nga tuig sang Sandinganbayan ang warrant of arrest angut sa kaso nga paglapas sa Anti-Graft and Corrupt Practices Act.

Mayo 31 sang gin-forward sa NBI 6 ang kopya sang warrant, pero nakita lang sang may hit ang pangalan ni Locsin sang nagawad siya sang NBI clearance.

Gin-ako ni Locsin suno kay Quinto nga may kaso siya sa Sandiganbayan kag nag-file siya sang ikaduha nga motion for reconsideration sa Korte Suprema.

Nag-ugat ang kaso ni Locsin sa maanomaliya nga pagbakal sang bulong sang 2001 sang siya ang LMP-Iloilo Chapter President. Marso 20 subong nga tuig, ginpaguwa sang Korte Suprema ang entry of judgment nga final and executory ang desisyon sang Sandiganbayan nga nagapamatbat kay Locsin nga guilty.

Naka-hospital arrest si Locsin matapos gin-confine bangud sang mga ginabatyag sa lawas sang ginpa-medical check-up. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply