Driver sang motorsiklo, pilason sang nabungguan sang pick-up type nga multicab sa Estancia

Iloilo — Napilasan ang driver sang motorsiklo matapos nabunggu-an sang pick-up type multicab sa Brgy. Cano-an, Estancia ala 1:30 kahapon sang hapon, Hunyo 5.

Sa imbestigasyon sang Estancia Police Station paagi kay Police Staff Sergeant Pejie Bunda, naga-U turn sa national highway ang pick-up nga ginamaneho ni Leonardo Teodosio, 61 anyos sang Brgy. Manhut, Balasan sang wala natalupangdan ang nagpadulong nga motorsiklo nga ginamaneho ni Protacio Demapanes Jr., 25 kag construction worker sa Malbog, Estancia.

Gindala sa Jesus Colmenares District Hospital si Demapanes bangud sang mga pilas sa lawas.

Preso sa Estancia Police Station ang driver sang pick-up kag natalana pasakaan sang kaso. (JoMaque)