Iloilo City — Nasapwan ang lalaki nga gintiro sa Brgy Tagbak, Jaro subong nga aga, Hunyo 6.

Suno sa imbestigador nga si Police Senior Master Sergeant Junben Ddamaolao, sang Jaro Police Station,  may pilas sa likod ang lalaki nga natumba malapit sa iya salakyan.

May nakita suno sa iya nga ID nga nagakabit sa sulod sang salakyan nga iya sang Department of Agrarian Reform kag nakapangalan kay Allan Salario.

Si Salario ang naga-board sa amu nga lugar.

Ginlaragway ang lalaki nga kalbo, nakasoksok sang puti nga t-shirt kag nakapantalon nga maong.  

Suno sa mga residente, may nabatian sila nga tatlo ka lupok antes nasapwan ang biktima.

Nakita man sang mga pumuluyo nga may lalaki nga nagdalagan kag nagsakay sa motorsiklo pagkatapo sang asud-asod nga lupok sang pusil.

Ginpahayag nga nagapasakay sa iya owner-type ang biktima sang gintiro sang suspek.  Padayon nga gina-imbestigaran sang Jaro police sa krimen. (JoMaque) 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply