Iloilo City – Nagpa-blotter sa Mandurriao Police Station si Rolando Bandong, driver sang ambulansya sang Estancia MDRRMC, matapos nga ginsumbag siya ni San Enrique SB Member Ariel Buyco.

Natabu ang insidente sa guwa sang emergency room sang Western Visayas Medical Center.

Sa panaysayon ni Bandong, una nga nag-park sa guwa sang emergency room si Buyco nga may gindul-ong nga pasyente gani naghulat si Bandong sa unahan sang salakyan sang SB Member. Ginmunuhan ni Bandong si Buyco nga ensaktuhon ang pag-park sa sunod sang manuglakat na ang ulihi.

Naka-focus si Bandong sa pagpapanaug sang iya naga-bleeding nga pasyente sang nabatian nga nagsinggit si Buyco kag nagpamangkot kon kilala siya. Wala nagsapak si Bandong bangud ginahingagaw niya nga mapasulod sa ospital ang pasyente, pero nagpalapit si Buyco nga daw may ginduhol nga ID.

Gin-ako ni Bandong nga natapi niya si Buyco bangud nakatutok siya sa pasyente, pero gulpi siya nga ginsumbag sa sulok-sulok.

Nagpa-blotter si Bandong matapos nabatian nga daw ginapahug siya sang naghambal si Buyco nga “gabiyahe ka adlaw-adlaw, halong ka.”

“SORRY”
Nag-sorry si Buyco kag nag-ako nga may sala siya suno kay Bandong.

Naghingyo man si Buyco nga indi na pagpadakuon ang isyu bangud nag-aregluhanay na sila ni Bandong.

Ang natabu suno sa SB Member, wala lang sila nag-intiendihanay ni Bandong gani napatup-an niya ini. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply