66-anyos nga lalaki sa Leon, nag-suicide

Iloilo— Nag-suicide ang 66-anyos nga lalaki sa Leon kahapon, Hunyo 6.

Nasapwan na lang nga nagabitay si alyas Nerio sang iya asawa sulod sang ila kwarto nga wala na nagaginhawa.

Gindala pa sa ospital ang bana apang wala gid natabangan.

Suno kay Police Lieutenant Sotero Paguntalan Jr., Hepe sang Leon Police Station, may balati-an nga tuberculosis si Nerio kag masami ginadala sa ospital. 
Posible naluoy siya iya pamilya nga nagaproblema financial.

Kumbinsido naman ang pamilya nga wala sang foul play sa kamatayon ni Nerio. (JoMaque)