Lapuz — Ginasuportahan sang liderato sang Iloilo City Police Office kag Philippine Drug Enforcement Agency ukon PDEA 6 ang paghatag sang punong barangay sang Don Esteban sang P10,000 nga padya sa makatudlo sang mga nagabaligya ukon nagagamit sang illegal nga druga sa ila barangay kag positibo nga madakpan.

Gin-ako nanday ICPO Director Martin Defensor Jr. kag PDEA 6 Officer-In-Charge Alex Tablate nga wala pa naka-coordinate sa ila ang mga barangay official sang nasambit nga barangay apang ginadayaw nila ang amo nga lihok.

Suno kay Defensor, makabulig sa ila kampanya kontra illegal nga druga ang programa sa Don Esteban nga ginpahayag labing una nga ginhiwat sa syudad.

Nagpaseguro naman si Defensor nga indi maggamit sa pagpakalain sa iban ang programa bangud subject pa ini sa validation kag operation sang pulis kag iban pa nga enforcement agencies.

‘Clear guidelines’

Nagapati si Tablate nga mangin maayo ang programa kun klaro ang guidelines sa mga barangay officials.

Dugang niya, importante man nga confidential ang informant ukon mahatag sang impormasyon.

Nagpangayo si Tablate sang kopya sang resolution sang mga barangay officials angut sini apang wala pa nahatag bangud ginafinaize pa.

Una na ginpahayag ni Barangay Kagawad Reynaldo Brito nga initiave ni Punong Barangay Rodrigo Dellomes ang amo nga programa kag sa iya man kaugalingon nga bulsa kuhaon ang pondo sini.

‘Moderately affected’

Base sa record sang PDEA 6 sang Disyembre 2018, moderately affected ang Don Esteban angut sa illegal nga druga.

Base sa Dangerous Drugs Board Regulation Number 2 series of 2016, makabig moderately affected ang barangay kun 2% tubtob 20% sa kabugusan nga populasyon sa barangay ang drug personalities kasubong sang drug users, drug pushers kag drug financiers. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply