Iloilo City – Gin-confirmar ni Lt. Colonel Joel Benedict Batara, commanding officer sang 61st Infantry Batallion sang Philippine Army nga nag-surrender ang duha ka miembro sang KR-Panay sa militar sang Hunyo 6.

Nag-surrender sanday Ka MJ, 21 anyos, team leader sang squad 1 kag Ka Princess, 20 anyos, medical officer sang squad 2 sang KR-Panay.

Suno kay Batara, nagsungka ang duha pinaagi sa negosasyon nga ginpangunahan ni Calinog Vice Mayor Renato Casinao.

Halin sang nagligad nga bulan pa suno kay Batara gin-negosyar ang duha nga magsungka pero nadugayan bangud ginakahangaw-an nila ang ila seguridad.

Nag-ako ang duha nga indi na sila makaagwanta sa hublag rason nga nagsungka sila sa militar.

Gina-proseso na agud makabaton sang assistance ang duha halin sa gobierno. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply