Sta. Barbara, Iloilo — Patay ang 17-anyos nga solterito samtang pilason ang iya 41-anyos nga tiyo kasunod sang komosyon sa ktv bar sa Brgy. San Sebastian pasado las 12:00 kahapon sang kaagahon, Hunyo 9.

Suno kay Police Chief Master Sergeant Jesus Wilson Saludares, deputy chief of police sang Sta. Barbara MPS, upod sang biktima nga si Oliver Trojillo, tumandok sang Tigtig, Sta. Barbara, ang iya bata nga si alyas Paul kag iya hinablos nga si alyas John nga lunsay 17 anyos.

Ginpahayag ginsumbag sang wala pa makilal-an nga suspect ang bata ni Trojillo tubtob nga nagluntad ang komosyon. Ginbuno man si Oliver kag ang iya hinablos sang suspect suno sa mga pulis.

Gindala pa sa ospital si alyas John apang napatay bangud sang pilas sa tiyan, kamot kag wala nga bahin sang iya dughan. May pilas naman sa tuo nga kamot kag liog si Trojillo.

Gilayon nga nagpalagyo ang mga suspetsado kasunod sang krimen.

Hinubog ang gintunaan sang komosyon. (JoMaque/AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply