Iloilo City — Ginkumpirmar ni Police Major Marlon Valencia, hepe sang Mandurriao Police Station, nga gintuyo nga utdan sang dila ang construction worker nga gindala sang Huwebes sang gab-i, Hunyo 6 sa Western Visayas Medical Center bangud sang pilas sa baba.

Base sa imbestigasyon sang kapulisan, antes gintuyo nga utdan sang dila ang construction worker ginlampusan pa siya pero indi pa matumod sang pulis kun ano ang gingamit sa paglampus kag kun ano ang gingamit sa tuyo nga pag-utod sang iya dila.

May natumod na nga suspetsado ang kapulisan suno kay Major Valencia pero indi pa mabuyagyag agud indi makaguba sa ila imbestigasyon.

Naga-kooperar naman sa kapulisan ang biktima apang ginahulat pa nga mag-ayo bangud wala sang iban nga witness nga makasugid sang natabo kundi ang biktima gid lang. (AGB/KJT)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply