Molo, Iloilo City — Todo panginwala ang manugbantay sang warehouse matapos nadakpan sa drug buy bust operation sa Zone 2, San Juan, Molo kagab-i, Hunyo 10.

Apat ka sachets sang suspected shabu kag P1,200 nga buy bust money ang nakuha kay Elizer Cias alyas Puyo nga residente sang nasambit nga lugar.

Gin-aku niya nga drug surrenderer siya pero ginpanginwala nga nagabaligya sang illegal nga druga.

Nagapanindugan siya nga planted ang nakuha nga illegal nga druga sa iya.

Sa pihak sini, nakahanda siya nga atubangon ang ipasaka nga kaso batuk sa iya. Presu si Cias sa Molo Police Station. (JoMaque/#33)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply