Iloilo City — Ginbuksan sang Public Safety and Transporation Management Office (PSTMO) ang overpass malapit sa West Visayas State University (WVSU) kag Iloilo National High School (INHS) sa Luna Street, La Paz kadungan sang pagbukas sang klase para sa mga pribado nga eskuwelahan kahapon, Hunyo 10.

Suno kay Jeck Conlu, head sang PSTMO, gintinluan nila ang overpass antes ginbuksan para sa mga pedestrians ilabe na sa mga estudyante sang duha ka eskuwelahan.

Ginbuksan ang overpass suno kay Conlu para indi na makatuga sang sablag sa mga drivers kag makabuhin sang traffic congestion kun rush hour.

Pagabantayan sang traffic auxilliary ang nasambit nga overpass.

Ang padestrian lane naman sa amu nga lugar suno kay Conlu ang pagagamiton sang mga PWDs, senior citizens kag mga pedestrians nga mga mabug-at sang dala nga indi na makasarang maggamit sang overpass.

Subong nga adlaw ang full implementation sang pedestrian overpass suno kay Conlu. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply