San Enrique, Iloilo – Patay ang lalaki matapos natumbahan sang ginasarahe nga puno sang lubi sa Barangay Cubay, San Enrique kaina sang aga, Hunyo 12.

Ginkilala napatay kay Edgar Lamera, 40 anyos sang amo man nga lugar.

Suno kay Police Captain Rowena Hubero, acting chief of police sang San Enrique MPS, nagbulig si Lamera sa iya bayaw nga nagasarahe  sang puno sang lubi nga nagasablag sa ila balay.

Pero sang ginabutong na ang puno, wala makahalin si Lamera gani natumbahan siya kag naligto gid ang iya liog.

Gindala pa sa Iloilo Provincial Hospital sa Pototan si Lamera pero gindeklarar na dead on arrival. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.