Pagdamo sang dengue cases sa probinsya, istoryahan sa sinapol sang mga Municipal Liga Presidents

Iloilo – Sapulon ni Liga President kag ex-officio Board Member Dorothy Paes ang mga Municipal Liga presidents agud istoryahan ang mga tikang sa pagpahagan-hagan sang dengue.

Kasunod ini sang pagtimbuok sang numero sang mga natapikan sang dengue sa una nga anum ka bulan sang 2019.

Base sa record sang Provincial Health Office halin Enero 1 tubtob Hunyo 1, may pinakamadamo nga kaso sang dengue ang Passi City nga may 225; nagasunod ang: 
Pototan-199 kag duha ang patay; 
Concepcion-176, may tatlo ka patay; 
Ajuy-126; 
Sta. Barbara-117, isa patay; 
Pavia-99, isa ang patay: 
New Lucena-84, isa patay; 
Bingawan-70, duha ang patay 
Banate-48, duha ang patay

Sa kabug-usan, 2,453 ang dengue cases sa probinsya kag 12 ang patay, mas mataas kon ikumparar sa kasubong nga period sang 2018 nga may 352 ka kaso kag isa ang patay. (JoMaque/#15)