Iloilo City — Tatlo ang nadakpan sa buy bust operation sa Barangay Calaparan, Arevalo pasado las tres kahapon, Hunyo 12.

Suno kay Police Staff Sergeant Leonard Aquiatan sang Arevalo Police Station, nakuhaan sang isa ka sachet sang suspected shabu ang subject nga si Micky Pinto, 21-anyos sang amo nga barangay.

Nadakpan man sa drug operation ang ginpahayag source ni Pinto nga si Maribel Rosquillo, 22-anyos sang Brgy. San Juan, Molo.

Nakuha kay Rosquillo ang pito ka sachets sang suspected shabu.

Nakuhaan man sang isa ka sachet sang suspected shabu si Cedrick Keno Gambe sang Brgy. Boulevard, Molo nga yara sa lugar sang ginconduct ang drug operation.

Ginconduct sang Arevalo Police Station-Drug Enforcement Team ang police operation.

‘IBAKAL GATAS’

Ginpanginwala ni Pinto nga nagabaligya siya sang illegal nga druga apang gin-ako naman ni Rosquillo ang akusasyon batuk sa iya.

Suno kay Rosquillo, naengganyo siya nga magbaligya sang illegal nga druga agud may ibakal sang gatas sang iya walo ka bulan nga bata.

Ginpahayag ini ang labing una nga kahigayunan nga nagbaligya sang illegal nga druga ang nagabusong nga si Rosquillo.

Ginkuhaan sang Aksyon Radyo Iloilo sang pahayag si Gambe apang wala siya naghatag.

Suno kay Calaparan, Arevalo Punong Barangay Cecilia Nava, wala sila sang monitoring kay Pinto may kaangtanan sa illegal nga druga. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply