Mangunguma sa Oton, nasapwan patay

Oton, Iloilo — Patay na sang nasapwan ang mangunguma nga may pilas sang pagkatiro sa ulo sa Sta. Monica, Oton kagab-i, Hunyo 13.

Mga las-11 sang gab-i, ginpahayag natiruhan ni Julius Sanchez, 56 anyos sang amo nga lugar, ang iya kaugalingon.

Suno kay Police Lieutenant Colonel Hilarion Roga sang Scene of Crime Operatives (SOCO), posible nga nakadanlog si Sanchez kag napitik niya ang gatilyo sang iya 12-gauge shotgun kag naigu ang iya ulo.

Kagab-i pa nakit-an ang bangkay ni Sanchez, pero wala gintandog sang Oton police bangud ginhulat ang SOCO.

Kaina sang aga naman nakuha ang bangkay ni Sanchez sa diin siya nasapwan bangud kaina lang naka-abot ang SOCO.

Malapit sa suba nasapwan ang bangkay ni Sanchez.

Gina-imbestigaran pa sang mga pulis ang natabu. (AGB)