3 balay totally burned, 2 partially damaged sa sunog sa Jaro
Iloilo City — Tatlo ka balay ang totally burned, duha ka balay ang partially damaged sa sunog sa Sitio Sapa, Zone 1 Balantang, Jaro pasado alas-10 kaina sang aga, Hunyo 17.
Suno kay Senior Fire Officer 3 Aquilino Sampiano sang Bureau of Fire Protection-Iloilo City, nagsugod ang kalayo sa second floor sang balay ni Roberto Costanilla.
Ginapatihan ni Sampiano nga electrical overload ang ginhalinan sang sunog bangud may lima ka unit sang desktop computers nga ginapahampangan sa ground floor sang balay.
Totally burned man ang mga balay nanday Regine Sales kag Lino Portillo, samtang partially damaged ang balay nanday Ronald Villanueva kag Ma. Jene Gahum. (AGB)