Sa Bacolod City: 6-bulan nga bata nga babaye, patay matapos nalumos sa balde nga may tubig

Negros Occidental — Patay ang anum ka bulan nga lapsag nga babaye matapos nalumos sa balde nga may tubig sa Libertad Public Market, Bacolod City.

Las-dos kaina sang kaagahon, Hunyo 17, sang nadiskubrehan sang iya ginikanan ang lapsag nga ara na sa sulod sang balde nga ila ginagamit para hugasan sang mga utanon nga ila ginabaligya sa merkado.

Suno kay Police Staff Sergeant Geraldine Guinanao, sang Bacolod City Police Office Staion 6 WCPD, nagakatulog ang mag-asawa sa ila papag nga ginagamit man nila nga bulutangan sang ila baligya nga utan sa merkado upod ang ila anak.

Ginpatung-an man sang mag-asawa ang lapsag apang posible suno sa iya nga nagkamang ang bata kag nahulog sa balde nga may tubig.

Ginpahayag ni Guinanao nga nauna ang ulo sang lapsag shoot sa balde rason nga nalumos.

Ginhingagaw pa dala ang lapsag sa ospital apang wala gid natabangan. (AGB/KJT)