Lalaki sa Tubungan, pilason matapos nabun-an sang iya abyan

Tubungan, Iloilo — Pilason ang 29 anyos nga lalaki matapos nabun-an sang iya abyan sa Brgy. Molina, Tubungan las 12:30 kaina sang kaagahon, Hunyo 18.

Ginkilala ang biktima kay Richard Tabaosares, sang Brgy. Lanag Norte, Tubungan.

Suno kay Police Captain Eleazar Climakusa, acting chief of police sang Tubungan Police Station, nagtambong sa house blessing sang iya isa pa ka abyan si Tabaosares upod ang suspek nga si Domingo Eupon.

Ginpahayag nga may nagluntad nga pagbaisay sa tunga sang biktima kag suspek samtang naga-inom inom tubtub nabun-an sang suspek ang biktima sa dughan sang makaduha ka beses. (AGB/AMC)