Dueñas, Iloilo — Patay ang driver sang habal-habal matapos gintiro sang riding-in-tandem sa Barangay Cabudian, Dueñas pasado alas-singko kahapon sang hapon, Hunyo 18.

Gindala pa sa Calinog District Hospital si Alquin Lama pero gindeklarar sang doktor nga dead-on-arrival bangud sang pilas sa likod kag tiyan.

Suno kay Police Master Sergeant Jerome Implasta sang Dueñas Police Station, papuli na si Lama sa Barangay Jaguimit sa amo man nga banwa sang gintiro sang mga sakay sang motorsiklo nga nagasunod sa iya.

Wala makilala ang mga suspek nga nakasuksok sang itom nga jacket kag may helmet.

Ginconfirmar ni Implasta nga may kaso nga pagpatay ang biktima pero naareglo na niya kag madugay naman nga natabu. Pero imbestigaran nila kon may kaangtanan sa nasambit nga kaso ang natabu. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply