Passi City, Iloilo — Isa patay kag isa pilason sang nagbungguanay ang motorsiklo kag toyota innova sa Passi City kahapon, Hunyo 19.

Ginkilala ang napatay kay Jolly Ann Navigar sang Barangay Sarapan, Passi City nga backrider sang motorsiklo samtang pilason naman ang driver nga Maria Frits Abatias, 21 sang Barangay Sanandres, San Rafael.

Suno kay Police Colonel Arturo Fullero sang Passi City Police Station, nagapadulong sa Passi City ang mga biktima sang nag-overtake sa ginasundan nga truck pero nagbunggo sa nasugata nga Toyota Innova nga ginamaneho ni Jeomar Cyril Buelos sang Roxas City, Capiz.

Wasak ang bumper sang Innova bangud sang mabaskog nga impact sang pagkabunggo.

Yara sa kustodiya sang Passi City police ang driver sang Innova, samtang padayon nga ginabulong sa ospital si Abatias. (AGB/NM)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply