Dengue cases sa Iloilo, nadugangan – PHO
Iloilo — Nadugangan ang numero sang dengue cases sa probinsya suno kay Dr. Patricia Grace Trabado sang Iloilo Provincial Health Office.
Sa pinakaulihi nga record sang PHO halin Enero 1 tubtob kahapon, Hunyo 19, naglab-ut na sa 3,217 ang gin-report nga kaso sang dengue kag 15 ang napatay.
Halos 500 suno kay Trabado ang nadugang nga kaso halin sa Hunyo 13 tubtob Hunyo 19 nga period.
Ginsulit ni Dr. Trabado ang panawagan sa pumuluyo nga buylugan ang mga pagtinguha nga mahagan-hagan ang balatian paagi sa pagsunod sang ‘4S Kontra Dengue’ nga search and destroy; seek early consultation; self-protection kag say ‘yes’ to fogging kon may outbreak.