By: Aine Grace Bravo | June 21, 2019, 3:30PM

Iloilo City — Emosyonal ang mga manunudlo kag estudyante sa pagdala kahapon sang bangkay sang mag-asawa nga principal kag maestra sa La Paz II Elementary School kahapon, Hunyo 20.

Ginhamyang sang isa ka gab-i sa eskwelahan ang principal nga si Joe Marie Osano kag iya asawa nga si Alnie Dinah, maestra sang Ticud Elementary School.

Suno sa 18-anyos nga si Rizza Mae Semillano, anay estudyante sang mag-asawa, indi mabakal sang kwarta ang kabuhi sang iya anay mga manunudlo.

Suno naman kay Security Guard Maria Adelin Dela Peña nga personnel sa La Paz II Elementary School, dapat mahatagan sang hustisya ang natabo sa mag-asawa. Wala gid suno sa iya sang problema sa mag-asawa.

Nagalaum naman ang pamilya sang mag-asawa nga indi na makapanghalit liwat ang driver nga si June Paul Valencia.

Suno kay Elsie Osano Lazo, utod ni Joe Marie Osano, sobra-sobra nga sakit ang gindala ni Valencia sa ila pamilya. Dapat suno kay Lazo nga sabton ni Valencia ang iya ginhimo.

Napatay si Osano kag iya asawa nga maestra nga si Alnie Dinah sang nabungguan samtang nagatabok sa pedestrian lane sang Hunyo 15.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.