By: JoMaque | June 24, 2019, 8:22 AM

Lemery- Arestado pinaagi sang warrant of arrest ang Top 1 most wanted person sang Manukan, Zamboanga Del Norte sa Brgy. Alcantara, Lemery kahapon sang udto.

Suno Kay Police Captain Marvin Buenavista Chief of police sang Lemery Municipal Police Station, nakabaton sila sang impormasyon halin sa Manukan Municipal Police nga nagpanago sa Lemery si Renerio Andawal, 44 anyos, tumandok sang Brgy. Lingatongan, Manukan, Zamboanga Del Norte.

Nag-coordinate ang Lemery Police kag Manukan Police agud madakpan si Andawal sa ginapanagoan niya nga balay sa Brgy Alcantara, Lemery..

Ginpahayag ni Buenavista nga may kaso nga murder si Andawal kag nagpalagyo sa Iloilo agud magpanago.

Yara na sa kustodiya sang Lemery Municipal Police si Andawal kag natalana nga i-turnover sa Manukan Municipal Police.

Ginpapanaug ni Hon. Judge Ric S. Bastasa sang Regional Trial Court 9th Judicial Region Branch 8 Dipolog City ang warrant of arrest batuk kay Andawal sang September 5, 2016.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply