By: JoMaque| June 25, 2019, 9:33 AM
Via Aksyon Khenjo Terco

Iloilo City – Kumpleto ang dokumento sang Frozen Foods Factory nga napatyan sang trabahador sang Sabado.

Suno kay City Health Officer Dr. Bernard Caspe, may mga permits man ang factory, lakip na ang sanitary health permit, sang ila gin-usisa.

May health cards naman ang tanan nga nagatrabaho, magluwas lang sa napatay nga si Jomar Junco Bugoy, 18 sang Laua-an, Antique.

Ginatun-an sang CHO suno kay Caspe kon ano ang salabton sang tag-iya bangud wala sang health card si Bugoy, kag gina-validate man kon ano gid ang trabaho sang napatay.

Gin-athag ni Dr. Caspe nga dapat may health card ang tanan nga may contact sa pagkaun, antes pa man sila magsulod sa trabaho.

Ginpahayag ni Mrs. Loreta Diaz, iloy sang tag-iya sang factory nga si Josielor Jaleco, nga gin-dispose na nila ang mixer sa diin naaksidente si Bugoy kag mabakal na lang sang bag-o kasunod sang insidente.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply