PRO 6 Director John Bulalacao, maretiro na sa Hunyo 27; liwat nagpasalamat sa suporta sa iya madinalag-on nga pagpamuno

By: Aine Grace Bravo | June 26, 2019, 6:30PM

Via Aksyon Hotline

Camp Delgado, Iloilo City — Liwat nagpasalamat si Police Regional Office 6 Director Pol. Brig. Gen. John Bulalacao sa mga pumuluyo sa Western Visayas nga nagbulig agud mangin madinalag-un ang iya pagdumala sa PRO 6.

Ini ang mensahe ni bulalacao isa ka adlaw antes ang iya kaadlawan kag pagretiro sa serbisyo buwas, Hunyo 27.

Madamo suno sa iya sang nagapamangkot sa iya parte sa iya accomplishments, pero ginatugyan na niya sa pumuluyo ang pag-assess sa iya performance. Nagapati si Bulalacao nga nahatag niya ang iya ikasarang agud masiguro nga malinong kag matawhay ang iya pagpangalagad.

Isa man sa mga ginpasalamatan ni Bulalacao ang media sa madinalag-un niya nga pagpungko bilang PRO 6 director.