By: Aine Grace Bravo | June 27, 2019, 6:30PM

Via Aksyon Radyo Correspondent Jerry Medina

Estancia, Iloilo — Patay ang 60-anyos nga mangingisda sang ginbuno sa Bagsakan Poblacion Estancia las 11:30 kagab-i, Hunyo 26.

Ginkilala ni Police Staff Sergeant Pejie Bunda, imbestigador sang Estancia Police Station, ang biktima kay Romulo Rosales alyas Alog, 60, sang Bangcal, Carles.

Suno kay Bunda, nakapangayo pa sang bulig ang biktima gani gindala siya sang mga barangay tanod sa ospital, pero gindeklarar nga dead on arrival bangud sang pilas sang pagkabuno sa iya tiyan.

Sa imbestigasyon sang Estancia police, naga-inom inom pa ang biktima upod ang mga kasubong niya nga mangingisda antes siya nasapwan.

Ginpahayag ni Bunda nga may naka-away sadtu si Rosales bangud sang iya pagmaoy pero wala napa-blotter.

Padayon nga gina-imbestigaran sang kapulisan ang motibo sa krimen kag identity sang suspetsado.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.