By: JoMaque | June 29, 2019, 10:11 AM

Iloilo City — Patay ang 30 anyos nga subject sang drug buy bust operation sa Barangay Tanza-Esperanza, City Proper makaligad natiruhan sang ginpahayag nagbatu sa mga pulis  las 12:50 kaina sang kaagahon.

Ginkilala ni Police Captain Mark Dado, team leader sang Regional Drug Enforcement unit ukon RDEU ang subject kay Japhet Zerrudo alyas Katoy.

Suno kay Dado, una nagpalupok sang pusil ang subject sang namutikan nga pulis ang iya ka-transaksyon.

Nag-igo sa lawas si  Zerrudo nga gindala sa Iloilo Doctor’s Hospital.

Wala naman sang may napilasan sa bahin sang mga pulis.

Isa pa lang ka bulan nga nakaguwa sa presuhan si Zerrudo bangud sa kaso nga murder.

Gin-operate sang mga pulis si Zerrudo bangud nakabaton sang impormasyon nga nagabaligya siya sang illegal nga droga.

HIGH VALUE TARGET

High value target level 1 drug personality si Zerrudo.

Suno kay Police Captain Dado, isa ka bulan nila nga gin-surveillance si Zerrudo.

Si Zerrudo suno sa iya ang bata ni Levi Zerrudo alyas Bitas nga downline sa pagbaligya sang illegal nga droga sang Odicta Drug Group.

Suno kay Punong Barangay Wilbur Orada sang Tanza-Esperanza, nalakip sa BADAC ang pangalan ni Zerrudo pero indi siya drug surrenderer.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply