Driver sang delivery van, nasapwan patay sa ila ginatineran nga balay sa Molo
By: JoMaque | July 2, 2019, 8:11am
Via Aksyon Jorge Cabrera
Molo, Iloilo City — Patay na sang nasapwan ang driver sang delivery van sa iya ginatineran nga balay sa North San Jose, Molo kagab-i, Hulyo 1.
Ginkilala ang napatay kay Roma Rico Salditos nga tumandok sang Poong, Lambunao.
Suno kay Cyril Ceballos, kaupod sa trabaho ni Salditos, nasapwan nga nagahapa sa iya katre ang driver.
Wala man suno sa iya sang ginabatyag si Salditos, magluwas lang nga nagataas ang iya blood pressure.
Nakapamahaw pa ang lalaki mga las-9 kaina sang aga kag wala na nakaguwa sa iya ginatulogan bangud wala sang trabaho. Nasapwan siya sang iya upod subong nga gab-i.
Ginpahayag naman ni Police Chief Master Sergeant Romelo Tabuyoc sang Molo Police Station, nga wala man sang pilas si Salditos.