By; JoMaque | July 3, 2019, 12: 31 PM
via Aksyon Kikik Enar

Iloilo City — Arestado ang tatlo ka lalaki sang nagtinapungulay sa atubang sang Iloilo Business Hotel sa Brgy. San Rafael, Mandurriao las tres kaina sang kaagahon.

Gin-aresto sang mga pulis sanday alyas Cris John, 20; alyas Wilfred, 26 sang San Juan, Molo kag alyas Andre Jed, 21, sang Barangay Bolilao, Mandurriao bangud sa gamo.

Suno kay Police Chief Master Sergeant Christopher Juarez, imbestigador sang Mandurriao Police Station, nagsinuyaay sa MO2 Ice Disco Bar sanday Chris John kag Wilfred sa grupo ni Andre Jed.

Pagguwa suno sa iya sa bar, gilayon nga ginpulihan tapungol sang grupo ni Andre Jed sanday Chris John kag Wilfred.

Hinubog ang ginhalin sang insidente suno kay P/CMS Juarez.

Gin-aresto man sang pulis ang abyan ni Andre Jed nga si alyas Von 21, sang Brgy. Bolilao Mandurriao bangud nagwaras sa station kag ginbuyayaw pa si Police Senior Master Sergeant Leo Jalandoni.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply