By: Aine Grace Bravo | July 3, 2019, 6:30PM

via Aksyon Aljohn Torreta

Antique — Nagreklamo ang subject sang buy bust operation nga ginkastigo siya sang gindakup sa Barangay San Angel, San Jose, Antique.

Naghabok kag nag-itum ang duha ka mata ni Raymund Juala, 28 anyos sang Barangay 5, San Jose, kag may mga hanog man siya sa nagkalain-lain nga parte sang iya lawas.

Suno kay Juala, papuli na siya sakay sa motorsiklo upod kanday Ariel Velasco kag Zyra Jane Gonzaga sang ginlambatan sila sang walo ka nakamaskara nga nakasakay sa van.

Ginpahayag niya nga ginlalas siya halin sa motorsiklo, ginpahapa kag ginsipa sa guya kag nagkalain-lain nga bahin sang iya lawas.

Nagadugo suno sa iya ang iya iloy sang nabatyagan niya nga may ginsulod sa iya bulsa ang mga lalaki nga nagsipa sa iya.

Ginpahayag naman ni Velasco nga ginsipa man siya rason naghanog ang iya guya kag napilasan siya sa wala nga tuhod.

Nanindugan naman si Lieutenant Colonel Marc Anthony Darroca, hepe sang San Jose Police Station, nga buy bust operation ang ila ginhimo, pero ginpahayag nga nagbato si Juala sa mga pulis rason sang komosyon.

Nakuhaan si Juala sang .38 caliber, pito ka sachets sang suspected shabu kag P700 nga buy bust money.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.