By: Aine Grace Bravo | July 3, 2019, 6:30PM

Via Aksyon KhenJo Terco

Iloilo City — Nagapanawagan si Iloilo City Loop Alliance of Jeepney Owners and Drivers Association (ICLAJODA) President Raymundo ‘Boyet’ Parcon sa City Government nga aktuhan ang pagbalik sang mga Badjao sa siyudad, ilabi na ang mga nagasaka sa mga jeep kag nagapangayo-kayo sa mga pasahero.

Suno kay Parcon, delikado ang gina-obra sang mga bata nga Badjao bangud kun maaksidente sila samtang naga-saka sa jeep, jeepney operators naman ang manabat.

Kutob lang sa pagsaway ang ila mahimo bangud ang City Government gid ang may katungdanan nga mag-akto sa ila, dugang pa ni Parcon.

Gintumod ni Parcon ang Public Safety and Transportation Management Office (PSTMO) nga amo ang dapat mag-aksyon sa problema.

Masami makit-an ang mga bata nga Badjao nga nagasaka sa mga jeep sa Diversion Road, Mandurriao.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.