By: Aine Grace Bravo | July 5, 2019, 6:30PM

Via Firingline      

Iloilo — Magasugod buwas ang Do Day Kontra Dengue sa tanan nga barangay sa probinsya.

Suno kay Governor Toto Defensor, himuon ang dungan nga pagpanglimpyo kada Sabado agud masiguro nga maguba ang breeding places sang mga lamok.

Nahisugtan ang tikang sa meeting ni Defensor sa mga mayors kag municipal health officers kahapon.

Ginpahayag sang gobernador nga kinahanglan pabaskugon ang kampanya kontra dengue bangud sa pagdamo sang numero sang mga natapikan sang balatian.

Base sa pinaka-ulihi nga record sang Provincial Health Office halin Enero 1 tubtob Hunyo 28, nagalab-ut sa 3,897 ang kaso sang dengue nga may 18 ka patay sa probinsya.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.