Anay suldado, dakup sa entrapment operation sang NBI

By: JoMaque | July 6, 2019
Via Aksyon Farrah Mae Morano

Iloilo City – Dakup sa entrapment operation sang National Bureau of Investigation (NBI) ang anay soldado nga si Shawn Agregado, 22 anyos sang Valeria St., City Proper.

Suno kay Special Investigator Aries Bañares sang NBI, si Agregado ang may kaso nga paglapas sa Article 315 (estafa) kag paglapas sa Article 177 (Usurpation of Authority).

Pero posible pasakaan pa gid siya sang kaso nga paglapas sa RA 10591 (Comprehensive Firearms and Ammunition Regulation Act) matapos nakuhaan sang .45 caliber pistol nga wala sang lisensya sang nadakpan sa San Rafael, Mandurriao alas-nueve kaina sang aga.

Ginpahayag ni Bañares nga nangin soldado si Agregado sang 2017, pero gin-discharge siya sang 2018 bangud nag-AWOL.

Tatlo ka complainants ang nagpalapit sa NBI bangud ginpahayag nga ginpangayuan sila ni Agregado sang kwarta sa pag-apply nila sa Philippine Coast Guard.