DepEd Division of Iloilo, nagpaguwa sang memo bilang suporta sa ‘Do Day Kontra Dengue’

By: Aine Grace Bravo | July 6, 2019, 6:30PM

Via Aksyon KhenJo Terco/DepEd Schools Division of Iloilo Province

Iloilo — Nagpagguwa sang Division Memorandum ang Department of Education Schools Division of Iloilo Province nga naga-engganyo sa tanan nga school personnel nga magpasakop sa “Do-Day Kontra Dengue” sa probinsiya nga nagsugod subong nga adlaw, Hulyo 6 kag sa masunod pa gid nga mga Sabado.

Sa Division Memorandum nga gin-issue kahapon, Hulyo 5 kag pirmado ni Schools Division Superintendent Miguel Mac Aposin matapos man gindeklarar ang Dengue outbreak ni Governor Toto Defensor, gina-engganyo man ang mga school administrators nga mag-organisar sang clean-up activities sa mga eskwelahan magluwas pa sa dungan nga pagpanglimpiyo.

Istoryahan pa gid suno kay Aposin kon ano nga mga aktibidad ang ila himuon agud nga makabulig sa pagpahagan-hagan kag pagtapna sa padayon nga pagtaas sang kaso sang dengue.

Posible sa masunod nga Sabado, lubos na nga ma-implementar sa kada eskwelahan ang pagpartisipar sa Do Day Kontra Dengue.