By: JoMaque| July 6, 2019,

ILOILO CITY — Nagpasiguro ang mga bar owners nga tumanon nila ang gusto ni Mayor Jerry Treñas para dulaon ang EO 146 ukon ang mandatory closure sang mga establisyimento nga nagaserbe sang makahulubog nga ilimnon halin alas dos sa kaagahon.

Suno kay Mr. Jim Velez, isa sa mga bar owners, i-comply nila ang pagbutang sang mga CCTVs, security guards, kag bouncers.

I-presentar man nila kay Treñas ang pila sa mga guidelines nga ila sundon pareho sang:

– Pag-blacklist sang mga “troublemakers” ukon ang mga nagatuga sang gamo; 
– Pagdumili nga serbehan sang makahulubog nga ilimnon ang mga menor de edad; 
– Pag-untat sa pagserbe sang makahulubog nga ilimnon sa mga hubog na ukon sa mga madamo na sang nainom; kag 
– Pag-require sa mga bars nga i-minimize ang noise pollution

Masapul pa ang mga bar owners kay Treñas sa Hulyo 11.

Matandaan nga nagpahayag ang alkalde nga sapulon anay niya ang mga bar owners antes magpapanaog sang EO nga nagadula sa EO 146.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply