Bacolod City Rep. Greg Gasataya, nagalaum nga ma-aprubahan ang iya proposed Adjusted Class Hours Act of 2019

By: JoMaque | July 7, 2019, 8:25am
Via Firingline

Negros – Ikonsulta ni Bacolod City Representative Greg Gasataya sa mga stakeholders ang iya ginaproponer nga himuon alas-8:30 ang pagsugod sang klase sa mga eskwelahan.

Tuyo sini nga mahibaluan kon pabor ang mga stakeholders sa proposed bill, kag kon ano ang rason sang mga nagapamalabag agud mapangitaan sang solusyon.

Suno kay Gasataya, sa subong nga sitwasyon, kulang ang tulog sang mga estudyante bangud aga pa naga-umpisa ang klase. Suno sa iya, “We are depriving our children with enough sleep.”

Ginpahayag sang kongresista nga may pagtuon nga naga-apekto sa mental health sang mga bata ang ila kakulang sang tulog.

Bukas naman si Gasataya sa suhestyun nga kon indi magpasugot ang Manila, ipatuman lang (kon mapasar) ang bag-o nga class hours sa mga lugar nga pwede ini ma-apply.

Nagapati si Gasataya nga kon maaprubahan ang proposed bill, makabulig man ini sa mga ginikanan nga masami nagabugtaw sang aga pa para magpreparar sang kinahanglanon sang ila kabataan.