Top 2 most wanted person sa pavia, nadakpan sa Capiz

By: JoMaque | July 8, 2019, 7:50 am
via Aksyon trainee reporter Brian Valle

Capiz — Arestado ang 23-anyos nga construction worker sang ginserbihan sang warrant of arrest sang gintingob nga puwersa sang Pavia Municipal Police kag Pres. Roxas Municipal Police sa Brgy. Cabug-Cabug, Pres. Roxas, Capiz ala 1:30 sang Hulyo 6.

Ginkilala ang subject kay Romulo Artucilla sang Brgy. Hibao-an, Pavia nga may kaso nga murder.

Nag-ugat ang kaso sang ginbuno patay ni Artucilla ang iya upod sa obra nga si Catalino Catipli samtang naga-inum inom ang duha sang 2016.

Suno kay Police Major Fernand Limbungan, Chief of Police sang Pavia Municipal Police Station, posible hinubog ang gintunaan sang krimen.

Ginpapanaog ni Hon. Juana Judita P. Panigbatan-Nafarrete, presiding judge sa RTC Branch 38 ang warrant of arrest batuk kay Artucilla.

Yara na sa custodiya sang Pavia Municipal Police ang subject.