By: Aine Grace Bravo | July 8, 2019, 6:30PM

via Aksyon Mario Gelongo

Iloilo — Nadugangan ang kaso sang dengue sa probinsya base sa pinakaulihi nga record sang Provincial Health Office.

Halin Enero 1 tubtob Hunyo 29, nagalab-ut na sa 4,309 ang dengue cases, mas mataas sa record nga 3,897 tubtob Hunyo 28.

Nagapanguna gihapon nga may pinakamadamo nga kaso sang dengue ang Pototan nga may 428, ginasundan sang Passi City nga may 356; Calinog-282; Concepcion-244; Ajuy-182; Cabatuan-181; Lambunao-162; Sara 150; Carles-132 kag Janiuay-128.

20 naman ang napatay, apat ang halin sa Concepcion, tatlo sa  Pototan, tag-duha  sa Pavia, Banate kag Bingawan samtang may tag-isa ka napatay sa Passi City, Cabatuan, Lambunao, Sara kag New Lucena.

Sang Sabado, ginlunsar ang Do Day Kontra Dengue clean-up drive kasunod sang dengue outbreak declaration ni Governor Toto Defensor..

Himuon ang pagpanglimpyo sa mga barangay kada Sabado.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.