By: Aine Grace Bravo | July 9, 2019, 6:30PM

Via Aksyon Dave Bucayan

Iloilo City — Ginpangayuan sang paathag ni Police Major Mark Evan Salvo, Hepe sang La Paz Police Station, ang duha ka pulis nga nakuhaan sang litrato nga naga-cellphone samtang naga-duty sa Baldoza Terminal sa La Paz.

Suno kay Salvo, gintagaan niya sang 24-oras sanday Patrolman Alban Diamante kag Patrolwoman Miraluna Castillo, detailed sa Baldoza Terminal, matapos nakuhaan sang litrato nga naga-cellphone.

Sa litrato nga ginpadala sa Aksyon Radyo, ginapatihan nga nagahampang sa cellphone si Diamante samtang indi naman maathag sa picture kon anu ang ginahimo ni Castillo.

Dugang ni Salvo, makapila ka beses na ginapahanumdom sa ila ni ICPO Director Pol. Col. Martin Defensor Jr nga bawal magamit sang cellphone samtang naga-duty.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.