By: JoMaque | July 9, 2019, 8:25am
Via Aksyon Jorge Cabrera | Firingline

Mandurriao, Iloilo City — Preso sa Mandurriao Police Station ang babaye nga ginpa-blotter sang ginabanta 18 ka mga tagreklamo nga iya ginkuhaan sang kwarta kabaylo sang pagpasulod sa ila sa trabaho pero wala nagtupa.

Suno kay Police Major Marlon Valencia, hepe sang Mandurriao Police Station, modus ni Marie Trexie Joguilon, 30 anyos sang Ungka II, Pavia, ang pagpang-recruit paagi sa Facebook sa mga luyag nga magtrabaho sa restaurant.

Ginpahayag sang isa sa mga tagreklamo nga ginpangayuan sila sang P1,005.00 para sa pag-proseso sang medical certificate kag uniform.

Pero natukiban sang mga nagreklamo nga indi konektado si Joguilon sa restaurant nga iya gin-hinambit.

Suno pa sa mga complainants, gingamit ni Joguilon ang Facebook account nga may pangalan “Janeth Mansueto” kag “Yui Quetoman.”

10 na ang nagkadto sa police station subong nga adlaw, kag ginapaabot ang iban pa nga tagreklamo buwas.

Ginahibalo man sang Mandurriao police kon may blotter reports sa iban nga police station batuk kay Joguilon.

Nagpanago si Joguilon sa CR sang Mandurriao Police Station detention cell sang gintuyo nga kuhaan sang pahayag sang Aksyon Radyo reporters.

Magapangatubang sang large scale estafa nga kaso ang ginareklamo.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply