By: Aine Grace Bravo | July 9, 2019, 6:30PM

Via Aksyon Hotline

Iloilo Provincial Capitol — Nagapati si Governor Arthur Defensor Jr. nga ang pagpanglimpiyo sa palibot ang solusyon sa problema sa dengue.

Luyag sang gobernador ipalab-ot sa mga pumuluyo nga seryoso ang problema sa dengue, kag dapat mag-ugyon ang tanan agud nga matapna ini.

Kon ano suno sa iya kaukod ang mga pumuluyo sa pagkampanya para sa mga kandidato sang eleksyon, ini man dapat kaukod ang ila pagpaninlo.

Ini ang rason kun ngaa ginmandu niya sa Executive Order No. 016 series of 2019 ang pag-conduct sang “Do Day Kontra Dengue” kada Sabado agud matapna ang pagdamu sang mga lamok nga nagadala sang dengue.

Sang damlag lang, ginbisitahan ni Defensor ang mga district hospitals sa probinsiya kag nakita niya ang sitwasyon nga nagalalapaw na ang mga pasyente sa bed capacity bangud sang madamo nga dengue patients.

Kaina sang hapon, liwat ginsapol si Defensor ang mga mayors kag gin-istoryahan naman ang parte sa solid waste management. Dapat suno sa iya nga may long-term approach sa pagpanglimpiyo kag pag-manage sang solid waste.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.