By: JoMaque| July 9, 2019, 8:01am
Via Aksyon Dave Bucayan | Firingline

Iloilo City — Wala sang miembro nga Rey Gomez ang 3rd Infantry Division, 61st Infantry Battalion kag 301st Brigade sang Philippine Army.

Suno kay Captain Cenon Panchito, public information officer sang 3rd ID, ila gin-check ang rooster troops kag wala sang pangalan nga Rey Gomez.

Gin-aku man niya nga wala sang mandu nga ipa-surveillance ang mga cause-oriented groups ilabe na ang mag-asawa nga Josephine kag Wilfredo Panuela, mga lider sang grupo nga KAISOG.

Gin-engganyu sang Philippine Army ang mag-asawa nga mag-file sang complaint kag dal-on ang pictures sang duha ka lalaki nga nagtuyo magsulod sa ila balay sa Bito-on, Jaro kahapon agud maimbestigahan.

“PAG-ATHAG SANG NBI 6”

Ginpanginwala man ni Atty Ramelo Quinto, Executive Officer sang NBI Western Visayas Regional Office, nga tinawo nila ang nagpakilala nga Atty. Art Diaz nga nagkadto kag nagtuyo nga mag-istorya sa mag-asawa.

Gin-athag ni Atty. Quinto nga wala sang Atty. Art Diaz sa NBI kundi Atty. Arnold Diaz.

Wala man suno sa iya sang operation ang NBI sa Brgy. Bitoon, Jaro kahapon.

Gin-engganyo man ni Atty. Quinto ang mga tagreklamo nga mag-file sang complaint sa ila opisina agud ila ma-aksyonan.

May ginpakita nga ID sanday Gomez kag Diaz sang gin-usisa sang mga barangay officials sa Bitoon.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply