By: Aine Grace Bravo | July 10, 2019, 6:30PM

via Aksyon KhenJo Terco

Iloilo City — Naabtan na lang sang iya iloy nga patay na ang 40-anyos nga babaye sa Jaro Plaza mga las 8:30 kaina sang aga.

Ginkilala ang napatay kay Othelia Tolentino nga nagatinir sa Jaro Plaza bangud wala na sila sang balay.

Suno sa iya iloy nga si Jasmin, nagbakal siya sang ila pamahaw apang pagbalik niya, wala na naga-ginhawa ang iya nga bata.

Mga tatlo na ka tuig nga nagatinir ang mag-iloy sa plaza bangud ginbaligya na sang tag-iya ang balay nga ginatiniran nila sadto.

Nagasuprer sang pneumonia si Othelia suno sa iya iloy kag gin-admit sa ospital sang Abril.

Nagapangalimos lang ang mag-iloy agud nga may makaon adlaw-adlaw.

Nadala na punerarya ang bangkay ni Othelia.

Nagapanawagan naman sang bulig ang iya iloy.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.