Babaye, dakup sa entrapment operation sang Mandurriao police; Subject, nanginwala nga kaupod niya ang nadakpan kahapon nga ginreklamo nagapanonto gamit ang Facebook

By: JoMaque | July 10, 2019, 11:55am
Via Aksyon Jorge Cabrera

Iloilo City – Nadakpan sa entrapment operation sang Mandurriao police si Sharon Rose Bergola, 38 sang Bakhaw, Mandurriao.

Ginreklamo si Bergola ni alyas Irish, 21 anyos, matapos siya gin-contact sa Facebook kag gin-engganyo nga mag-apply sa isa ka restaurant.

Suno kay Irish, ginpangayuan siya ni Bergola sang P1,005.00 agud maproseso ang iya medical certificate kag mabakal ang uniform, pero wala man sang trabaho para sa tagreklamo.

Si Bergola, gintudlo ni Marie Trexie Joguilon sang Pavia nga mastermind sa pagpanonto gamit ang Facebook.

Si Joguilon ang nadakpan man sa entrapment operation kahapon, Hulyo 8, kasunod sang reklamo sang ginabanta 18 ka iya ginkuhaan sang kwarta kabaylo sang trabaho nga wala nagtupa.

Todo panginwala si Bergola nga kaupod niya si Joguilon. Suno sa iya, biktima man siya ni Joguilon.