By: Aine Grace Bravo | July 10, 2019, 6:30PM

via Remember When       

Pavia, Iloilo — Ginsuspender ni Mayor Luigi Gorriceta ang klase sa mga public elementary kag high schools sa banwa buwas, Hulyo 11, kag sa Biernes, Hulyo 12, bangud magapang-spray sang kemikal kontra lamok nga nagadala sang dengue.

Kaina sang hapon naman, gindeklarar nga half-day ang klase sa Pavia Pilot Elementary School.

Ginpahayag ni Gorriceta nga mataas ang kaso sang dengue sa ila banwa kag bisan mga maestra ang may dengue man.

May 106 ka kaso sang dengue ang Pavia halin Enero 1 tubtub Hunyo 29 base sa record sang Provincial Health Office.

May duha na ka patay sa amu nga banwa bangud sang dengue.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.