By: Aine Grace Bravo | July 11, 2019, 10:30PM

via Aksyon Hotline

Iloilo City — Puwede gihapon maka-operate ang Panay Electric Company (PECO) bisan wala sang business permit.

Ini ang gin-athag ni Business Permits and Licensing Office (BPLO) head Norman Tabud matapos ginconfirmar nga duha ka tuig na nga wala sang business permit ang PECO bangud wala na-isyuhan sang business clearance sang City Treasurer’s Office.

Ginrason ni Tabud nga utility company ang PECO gani puwede sila maka-operate bangud kinahanglan sang publiko ang ila serbisyo.

Nag-apelar pa suno sa iya ang PECO sa Local Board Assessment Appeal gani temprano pa agud mahambal nga illegal ang operations sang kompaniya.

Ginpabutyag ni Tabud nga wala na-isyuhan sang business clearance sang City Treasurer ang PECO bangud wala nakabayad sang P89 million nga real property tax sa city government.

Nanindugan naman ang PECO nga gin-comply nila ang mga requirements para sa pagkuha sang business permit.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.